Stock Market : जर तुम्ही शेअर बाजारात गुंतवणूक करत असाल तर ही बातमी खास तुमच्यासाठी आहे. कारण 1 एप्रिलपासून NSE बाबत नियम बदलणार असून याचा थेट फायदा गुंतवणूकदारांना होईल.
दरम्यान, नॅशनल स्टॉक एक्स्चेंज (NSE) ने 1 एप्रिलपासून रोख इक्विटी आणि फ्युचर्स आणि ऑप्शन्स सेगमेंटमधील व्यवहार शुल्कातील 6 टक्के वाढ मागे घेण्याचा निर्णय घेतला आहे. अतिरिक्त शुल्क 1 जानेवारी 2021 पासून लागू करण्यात आले आहे.
एनएसई इन्व्हेस्टर प्रोटेक्शन फंड ट्रस्ट (NSE IPFT) ची स्थापना त्यावेळच्या बाजाराची अत्यावश्यकता लक्षात घेऊन कॉर्पसमध्ये अंशतः वाढ करण्यात आली होती. याबाबत NSE च्या वतीने दिलेल्या निवेदनात म्हटले आहे की त्यांच्या संचालक मंडळाने व्यवहार शुल्कातील 6 टक्के वाढ मागे घेण्याचा निर्णय घेतला आहे.
सेबीचे परिपत्रक 1 मे 2023 पासून लागू होईल
म्युच्युअल फंडात गुंतवणूक करण्यासाठी वापरले जाणारे डिजिटल वॉलेट हे रिझर्व्ह बँक ऑफ इंडिया (RBI) च्या ‘तुमच्या ग्राहकाला जाणून घ्या’ (KYC) शी सुसंगत असावे, असे सेबीने यापूर्वी सांगितले होते.
तसेच बाजार नियामकाने आपल्या परिपत्रकात म्हटले आहे की ही तरतूद 1 मे 2023 पासून लागू केली जाईल. तुमच्या डिजिटल वॉलेटचे केवायसी अद्याप झाले नसेल तर हे काम लवकरात लवकर पूर्ण करा.
8 मे 2017 रोजी सेबीने तरुण गुंतवणूकदारांना लक्षात घेऊन नियमांमध्ये काही शिथिलता दिली होती. सेबीने जारी केलेल्या या परिपत्रकानुसार, तरुण गुंतवणूकदारांना म्युच्युअल फंडात 50,000 रुपयांपर्यंतची गुंतवणूक ई-वॉलेटद्वारे करण्याची मुभा देण्यात आली होती.
म्युच्युअल फंड उद्योगात डिजिटल पेमेंटला प्रोत्साहन देण्यासाठी आणि भांडवली बाजारात बचत आणण्याच्या प्रयत्नांचाही हा एक भाग होता. या बदलानंतर म्युच्युअल फंड गुंतवणूकदारांची संख्या झपाट्याने वाढली आहे.