Jeevan Praman Patra : नवृत्तीनंतर लोकांसाठी पेन्शन हा त्यांच्या आयुष्यातील महत्वाचा भाग असतो. निवृत्तीनंतर आरामदायी जीवन जगण्यासाठी उत्पन्नाचा एक स्रोत असणे फार आवश्यक आहे. अशातच 60 ते 80 वर्षे वयोगटातील प्रत्येक पेन्शनधारकाला मासिक पेन्शन मिळविण्यासाठी जीवन प्रमाणपत्र सादर करणे बंधनकारक आहे. यासाठी आता फक्त एकच दिवस शिल्लक आहेत.
2023 साठी जीवन प्रमाणपत्र सादर करण्याची अंतिम तारीख 30 नोव्हेंबर 2023 आहे. तरी पेन्शनधारकांनी लवकरात जीवन प्रमाणपत्र सादर करावीत.
सबमिशनची अंतिम तारीख ज्येष्ठ नागरिक आणि अति ज्येष्ठ नागरिकांसाठी समान आहे. मात्र, सुपर ज्येष्ठ नागरिकांना १ ऑक्टोबर पर्यंत जीवन प्रमाणपत्र सादर करण्याची मुभा देण्यात आली होती. तर ज्येष्ठ नागरिकांसाठी ही विंडो 1 ते 30 नोव्हेंबर दरम्यान आहे. 80 वर्षांवरील पेन्शनधारकांना सुपर ज्येष्ठ नागरिक म्हटले जाते.
30 नोव्हेंबरपर्यंत जीवन प्रमाणपत्र सादर न केल्यास काय होईल?
३० नोव्हेंबरपर्यंत जीवन प्रमाणपत्र सादर न केल्यास पेन्शनचे वितरण थांबवले जाईल. तथापि, पुढील वर्षी 31 ऑक्टोबरपूर्वी प्रमाणपत्र सादर केल्यावर, पेन्शन विराम दरम्यान रोखलेले पैसे पुन्हा सुरू केले जातील.
जीवन प्रमाणपत्र सादर करण्याचे मार्ग
देशात जीवन प्रमाणपत्र सादर करण्याचे पाच मार्ग आहेत. पेन्शनधारक ते जीवन प्रमण पोर्टल, पोस्ट पेमेंट बँक, फेस ऑथेंटिकेशन, नियुक्त अधिकाऱ्याची स्वाक्षरी आणि डोअरस्टेप बँकिंगद्वारे सबमिट करू शकतात.
घरबसल्या प्रमाणपत्र जमा करण्याची प्रक्रिया
फेस ऑथेंटिकेशन किंवा डोअरस्टेप बँकिंगद्वारे जीवन प्रमाणपत्र बनवले जाऊ शकते.
-तुमच्या Android स्मार्टफोनवर (5MP किंवा त्याहून अधिक कॅमेरा) ‘AadhaarFaceRD’ ‘जीवन प्रमाण फेस ॲप’ इंस्टॉल करा.
-तुमचा आधार क्रमांक तयार ठेवा जो पेन्शन प्राधिकरणाला द्यावा लागेल.
-ऑपरेटर ऑथेंटिकेशन वर जा आणि चेहरा स्कॅन करा.
-माहिती प्रविष्ट करा.
-तुमचा फोटो घ्या आणि तो अपलोड करा. तुमच्या दिलेल्या फोन नंबरवर एक लिंक पाठवली जाईल जिथून तुम्ही तुमचे जीवन प्रमाणपत्र डाउनलोड करू शकता.
डोअरस्टेप बँकिंगद्वारे प्रमाणपत्र सादर करण्याची प्रक्रिया
-जीवन सन्मान केंद्र किंवा बँकेत तुमची अपॉइंटमेंट बुक करा.
-तुमचा आधार क्रमांक आणि मोबाईल नंबर ऑपरेटरला द्या.
-ऑपरेटर बायोमेट्रिक उपकरण वापरून तुमचा आयडी सत्यापित करेल.
-पडताळणी केल्यानंतर, तुमचे जीवन प्रमाणपत्र तयार होईल.