Multibagger Share : सध्या शेअर मार्केटमध्ये गुंतवणूक करणाऱ्यांची संख्या मोठ्या प्रमाणावर वाढली आहे. अनेकजण आपले पैसे शेअर मार्केटमध्ये गुंतवत आहेत. ज्यांना मार्केटची चांगली माहिती आहे केवळ त्यांना यातून फायदा होत आहे.
माहिती नसल्याने अनेकांना खूप मोठा तोटा सहन करावा लागत आहे. रामकृष्ण फोर्जिंग्स लिमिटेडच्या शेअरने आपल्या गुंतवणूकदारांना श्रीमंत केले आहे. मागील तीन वर्षांत कंपनीच्या शेअरमध्ये 1,758 टक्क्यांपेक्षा जास्त वाढ झाली आहे.
समजा हा शेअरवर तीन वर्षांपूर्वी एखाद्याने 1 लाख रुपयांना घेतला असता तर त्याला आज त्याची 18.58 लाख रुपये मिळाले असते. हे लक्षात घ्या की बीएसई सेन्सेक्सच्या तुलनेमध्ये रामकृष्ण फोर्जिंग्सच्या या शेअरमध्ये या कालावधीत 71.88 टक्क्यांची वाढ झाली असती.
हिस्सेदारी
हे समजून घ्या की, रामकृष्ण फोर्जिंगचा हा शेअर 26 सप्टेंबर 2022 रोजी 175.50 रुपयांच्या 52 आठवड्यांच्या नीचांकी पातळीवर पोहोचला होता. तर याचा 52 आठवड्यांचा उच्चांक 575 रुपये इतका आहे. जूनच्या तिमाहीत सात प्रवर्तकांकडे कंपनीमध्ये एकूण 46.27 टक्क्यांचा हिस्सा होता. तर 66,234 सार्वजनिक भागधारकांकडे कंपनीमध्ये एकूण 53.60 टक्क्यांचा हिस्सा होता.
यामध्ये 63,880 निवासी व्यक्तींकडे 11.38 टक्के स्टेक किंवा 1.82 कोटी शेअर्स असून त्याची किंमत दोन लाखांपर्यंत जाते. 10.86 टक्के स्टेक किंवा 1.73 कोटी शेअर्स असणाऱ्या फक्त 21 रहिवासी व्यक्तींचे जून तिमाहीत 2 लाख रुपयांपेक्षा जास्त भांडवल होते. तांत्रिक चार्टवर रामकृष्ण फोर्जिंग्सचा रिलेटिव्ह स्ट्रेंथ इंडेक्स 71.6 वर उभा असून जे सध्या सूचित करते की ते ओव्हरबॉट झोनमध्ये व्यापार करत आहे.
जाणून घ्याआर्थिक कामगिरी
जून 2023 तिमाहीमध्ये कंपनीच्या नफ्यामध्ये 63 टक्क्यांची वाढ होऊन 76.97 कोटी रुपये झाला आहे. हे लक्षात घ्या की मागील वर्षीच्या याच तिमाहीत कंपनीचा नफा 47.26 कोटी रुपये इतका होता. तर जून तिमाहीत उत्पन्नात 28 टक्क्यांची वाढ होऊन 835.95 कोटी रुपये झाले आहे, जे मागील वर्षीच्या तिमाहीत 650.75 कोटी रुपये इतके होते.
हे लक्षात ठेवा की Dolat Capital चे Ramakrishna Forgings वर खरेदी रेटिंग असून त्याची लक्ष्य किंमत 640 रुपये इतकी आहे. देशात ही कंपनी अशोक लेलँड, टाटा मोटर्स आणि VE कमर्शियल यांना उत्पादनांचा पुरवठा करते. कंपनी व्होल्वो, मॅक ट्रक्स, इवेको, फोर्ड साठी परदेशी बाजारपेठेतील पुरवठादार असून कंपनी रेल्वे कोच, बोलस्टर सस्पेंशन, वॅगन्ससाठी स्क्रू कपलिंग, साइड फ्रेम की आणि ड्रॉ गियर असेंबलिंग यांसारख्या वस्तूंचादेखील पुरवठा करते.