Home Loan : स्वतःचे घर असावे असे प्रत्येकाचे स्वप्न असते, पण अलीकडच्या काळात घराच्या किंमती इतक्या वाढल्या आहेत की हे जवळ-जवळ अशक्य आहे. अशास्थितीत तुम्ही तुमचे हे स्वप्न गृहकर्ज घेऊन पूर्ण करू शकता, आज आम्ही तुम्हाला अशा एका बँकेबद्दल सांगणार आहोत, जी तुम्हाला कमी दरात कर्ज ऑफर करत आहे.
नुकतेच सार्वजनिक क्षेत्रातील बँकेने गृहकर्जावरील स्वस्त व्याजदर जाहीर केले आहेत. बँक ऑफ इंडियाने गृहकर्जावरील व्याजदर 0.15 टक्क्यांनी 8.45 टक्क्यांवरून 8.30 टक्क्यांवर आणण्याची घोषणा केली आहे. देशातील दोन सर्वात मोठ्या बँका, एसबीआय आणि एचडीएफसी बँकेच्या तुलनेत ते कमी व्याजदरात गृहकर्ज देत असल्याचे बँकेने म्हटले आहे. पण ग्राहकांना ही ऑफर 31 मार्च 2024 पर्यंतच मिळणार आहे.
MCLR म्हणजे काय?
RBI द्वारे MCLR 1 एप्रिल 2016 रोजी लागू करण्यात आला. हा किमान कर्ज दर आहे ज्याच्या खाली कोणत्याही बँकेला कर्ज देण्याची परवानगी नाही. एमसीएलआर ठरवताना विविध घटक विचारात घेतले जातात ज्यात ठेव दर, रेपो दर, परिचालन खर्च आणि रोख राखीव प्रमाण राखण्याची किंमत यांचा समावेश होतो.
रेपो दरातील बदलांचा MCLR दरावर परिणाम होतो. MCLR मधील बदल कर्जाच्या व्याजदरावर परिणाम करतात, ज्यामुळे कर्जदारांची EMI वाढते. EMI कमी झाल्यामुळे कमी होते.
अशातच BOI ने सांगितले की ते रूफटॉप सोलर पॅनेलसाठी 7 टक्के विशेष व्याजदराची सुविधा देखील प्रदान करत आहे. याशिवाय प्रक्रिया शुल्कही माफ करण्यात आले आहे. या योजनेंतर्गत घराच्या छतावर सोल पॅनेल बसवण्यासाठी खर्चाच्या ९५ टक्के कर्ज घेता येते. यामध्ये, जास्तीत जास्त पेमेंट कालावधी 120 महिने आहे.