Punjab National Bank : तुम्हीही पंजाब नॅशनल बँकेचे ग्राहक असाल तर आजची ही बातमी तुमच्यासाठी महत्वाची आहे. जर तुम्ही 18 डिसेंबरपर्यंत हे काम पूर्ण केले नाही तर तुमचे खाते बंद होऊ शकते. होय, बँकेने नुकतेच याबाबत उपडेट दिले आहेत.
बँकेने सांगितल्या प्रमाणे तुम्हाला 18 डिसेंबरपर्यंत तुमचे केवायसी अपडेट करावे लागेल. जर तुम्ही 18 डिसेंबरपर्यंत हे काम पूर्ण केले नाही तर तुमचे खाते बंद केले जाऊ शकते. रिझर्व्ह बँक ऑफ इंडियाच्या म्हणजेच RBI च्या मार्गदर्शक तत्त्वांचे पालन करून KYC अपडेट करणे आवश्यक आहे.
केवायसी अपडेट करणे का आवश्यक आहे?
पीएनबीने म्हटले आहे की, खातेधारकांनी त्यांचे केवायसी अपडेट केले पाहिजे, जेणेकरून त्यांच्या खात्यांचे सुरळीत कामकाज सुनिश्चित करता येईल. ही सूचना त्या ग्राहकांसाठी आहे ज्यांच्या बँक खात्यातील KYC 30 सप्टेंबर 2023 पर्यंत अपडेट केले गेले नव्हते.
PNB ने आपल्या ग्राहकांना विनंती केली आहे की त्यांनी त्यांची अद्यतन माहिती जसे की ओळख पुरावा, पत्ता पुरावा, नवीनतम फोटो, पॅन, उत्पन्नाचा पुरावा, मोबाईल नंबर किंवा इतर कोणतीही KYC माहिती त्यांच्या बँक शाखेत जमा करावी. हे PNB One, इंटरनेट बँकिंग सेवा (IBS), नोंदणीकृत ईमेल/पोस्टद्वारे किंवा 18.12.2023 पर्यंत वैयक्तिकरित्या कोणत्याही शाखेला भेट देऊन केले जाऊ शकते.
तुम्ही 18 डिसेंबरपर्यंत तुमचे केवायसी अपडेट न केल्यास तुमचे खाते बंद होऊ शकते. बँक तुमच्या खात्याच्या कामकाजावर बंधने घालू शकते. अधिक माहितीसाठी किंवा कोणत्याही सहाय्यासाठी, ग्राहक त्यांच्या जवळच्या PNB शाखेला भेट देऊ शकतात किंवा अधिकृत वेबसाइटला भेट देऊ शकतात
तुम्ही https://www.pnbindia.in/ ला भेट देऊ शकता.