Imd alert : एल निनो प्रभाव आणि चक्रीवादळामुळे मान्सूनने राज्याकडे यावर्षी पाठ फिरवली आहे. राज्यात पेरण्या रखडल्या असल्याने शेतकरी वर्गात चिंतेचे वातावरण पसरले आहे. अशातच आता सर्व शेतकऱ्यांसाठी एक दिलासादायक बातमी आहे. लवकरच राज्यात मान्सून सक्रिय होणार आहे. तसेच राज्याच्या काही भागात हवामान खात्याने अतिवृष्टीचा इशाराही देण्यात आला आहे.
हवामान खात्याकडून मंगळवारी भरतपूर, धौलपूर, करौली जिल्ह्यांतील काही ठिकाणी अति मुसळधार तसेच सवाईमाधोपूर, कोटा, बारन, बुंदी जिल्ह्यांतील काही ठिकाणी मुसळधार पावसाचा अंदाज वर्तवण्यात आला आहे. तसेच 21 जूनपासून मुसळधार पावसाच्या हालचालींमध्ये घट होण्याची दाट शक्यता हवामान खात्याकडून वर्तवण्यात आली आहे. अशातच पूर्व राजस्थानमध्ये काही ठिकाणी हलक्या पावसाची शक्यता आहे.
पूर्व राजस्थानमध्ये पुन्हा एकदा 24 ते 25 जूनपर्यंत पावसाच्या हालचाली वाढू शकतात. तर अजमेर, भिलवाडा, धौलपूर, बारन, चित्तोडगड, बुंदी, सवाईमाधोपूर, करौली जिल्ह्यात मागील २४ तासांत मुसळधार ते अतिवृष्टीची नोंद करण्यात आली आहे. शिवाय धोलपूरमध्ये 188 मिमी तर अजमेर या भागात 149 मिमी पावसाची नोंद करण्यात आली आहे.
तापमान घसरले
सर्वात महत्त्वाचे म्हणजे बिपरजॉयच्या प्रभावामुळे ढोलपूरचे तापमानही घसरले असून या ठिकाणी जून महिन्यात कमाल तापमान ३० अंश सेल्सिअसच्या खाली पोहोचले आहे. तसेच सोमवारी कमाल तापमान 28 अंश सेल्सिअस तर किमान तापमान 26 अंश सेल्सिअस नोंदवण्यात आले आहे. त्यामुळे उष्णता कमी झाल्याने नागरिकांना काहीसा दिलासा मिळाला आहे.
तसेच पाऊस आणि वाऱ्यामुळे ढोलपूरचे वातावरण आल्हाददायक झाल्याने या ठिकाणी शाळांना सुट्ट्या आहेत. अनेकजण आपल्या कुटुंबासोबत मचकुंड, पहाड वाले बाबा, लवकुश पार्कसह अनेक ठिकाणी गेले. शिवाय आग्रा आणि ग्वाल्हेरलाही मोठ्या संख्येने लोक आले होते.
काळजी घेण्याचे आवाहन
बिपरजॉय चक्रीवादळामुळे जिल्हाधिकारी अनिल कुमार अग्रवाल यांनी लोकांना आवाहन केले आहे की, जोरदार वारा, गडगडाट, वादळ, मुसळधार पाऊस आणि खराब हवामानाची शक्यता असून सर्वांनी आपापल्या घरात थांबावे. गरज असेल तरच घराबाहेर पडा.
शिवाय कच्च्या घरांचा आसरा घेणे टाळा. विजेच्या खांबापासून दूर राहा आणि प्राण्यांना सुरक्षित ठिकाणी ठेवा. तसेच PHED, PWD, नगरपालिका आणि नगरपरिषदेने पाणी बाहेर काढण्यासाठी पंप संच तयार ठेवावेत आणि कोणत्याही अधिकारी व कर्मचाऱ्याने परवानगीशिवाय मुख्यालय सोडू नये, असे त्यांनी आदेश दिले आहेत.