अहमदनगर :- आमदार मोनिका राजळे यांनी रविवारी शेवगाव व पाथर्डी तालुक्यातील शेतकऱ्यांच्या शेतात जाऊन पिकांच्या नुकसानीची पाहणी केली.
आ. राजळे यांचा लहान मुलगा कबीर यास डेंग्यू झाल्याने सध्या तो नगर येथे उपचार घेत आहे. त्या स्वतः सुध्दा आजारी असून सत्कार न घेता त्या चिखल तुडवत शेतकऱ्यांना दिलासा देण्यासाठी बांधावर गेल्या.
बाजरीच्या कणसाला आलेले मोड, शेतात सडलेला कांदा, पाण्यात उभ्या असलेल्या कपाशीची जळुन गेलेली बोडांसाहीत झाडे, साचलेल्या पाण्यामुळे पिवळे पडलेले तुरीचे पिक, जमीनीवर सपाट झालेली चाऱ्याची पिके, वाया गेलेले सोयाबीन, मका पिक,
तुडुंब भरल्याने कधीही फुटुन मोठी हानी करू शकतील असे माती नालाबांध व पाझर तलाव , तुडुंब भरलेल्या विहीरी , बंधारे असे अवकाळी पावसामुळे आलेले नैसर्गिक संकट चिखल तुडवत शेतकऱ्यांच्या बांधावर जाऊन पाहिल्यानंतर शेतकऱ्यांसह आमदार मोनिका राजळे यांचेही डोळे पाणावले.
आमदार मोनिका राजळे यांनी अकोला, पालवेवाडी, मोहज देवढे, जांभळी या गावाचा दौरा करून अतिवृष्टीने नुकसान झालेल्या पिकांची प्रशासकीय अधिकाऱ्यांसोबत पहाणी केली.
अकोले येथील बाळासाहेब डुकरे यांचे पाण्यामुळे जळून गेलेले पीक, पालवेवाडी येथील राजू पालवे यांचे पाण्यामुळे वाया गेलेले कपाशीचे पीक,
हरिभाऊ कराड व साहेबराव आंधळे यांच्या शेतातील काढणीला आलेला सडलेला कांदा, देवराम पालवे यांचे भुईसपाट झालेले चाऱ्याचे पीक पाहून अमदारांनी शेतकऱ्यांच्या व्यथा जाणून घेतल्या.
- पारनेर मधील जनता निलेश लंकेवर नाराज : राहुल शिंदे
- डॉ सुजय विखेंना मिळाले श्रद्धेय भगवान गडांचे आशीर्वाद ! भगवानगडाच्या परिसराच्या विकासासाठी महायुती…
- Supreme Court Decision: ‘स्त्रीधन’ ही पूर्णतः पत्नीची मालमत्ता, त्यावर पतीचा कुठलाही प्रकारचा नसणारा अधिकार! सुप्रीम कोर्टने दिला महत्वपूर्ण निर्णय
- तुम्हाला माहित आहे का की उत्तीर्ण होण्यासाठी किमान 33% का आवश्यक असतात? वाचा यामागील महत्वाचे कारण
- व्यक्तीच्या पायाची बोटे सांगतात त्या व्यक्तीचे व्यक्तिमत्व कसे आहे? वाचा पायाच्या बोटांवरून एखाद्या व्यक्तीची जीवनशैली कशी ओळखाल?