अहमदनगर :- विधानसभा निवडणुकी दरम्यान शिवसेनेने त्यांच्या जाहीरनाम्यात अवघ्या 10 रुपयांत पोटभर जेवण देण्याचे आश्वासन दिले होते.
या घोषणेची कधी अंमलबजावणी होते हे माहित नाही पण नगर शहरात संवेदनशील व्यापारी,
व सेवानिवृत्त सरकारी अधिकारी यांनी एकत्र येत हेल्पिंग हॅण्डस फॉर हंगर्स ग्रुपमार्फत अवघ्या दहा रुपयांत पोटभर जेवण देणारी सुविधा केली आहे.
नगर शहरातील प्रेमदान चौकात हा उपक्रम सुरु करण्यात आला आहे़
हेल्पिंग हॅण्डस मार्फत अतिशय शुध्द, सात्त्विक व पौष्टिक असा सांबार भात, खिचडी-कढी अथवा पुलाव दहा रुपयांत दिला जातो़
या सेवेचा दररोज १५० ते २०० जण लाभ घेतात़ या उपक्रमासाठी अनेक जण स्वत:हून मदतीचा हात देवून या सेवेचा विस्तार होण्याच्या दृष्टीने योगदान देत आहेत.
नगरच्या प्रेमदान चौक परिसरात अनेक हॉस्पिटल्स असून याठिकाणी परगावचे रुग्ण व त्यांचे नातेवाईक येत असतात.
या उपक्रमामुळे सर्वसामान्यांची कमी पैशांत चांगली व्यवस्था झाली आहे़ हातावर पोट असणारे, मजूर, बेघर, अनाथ यांच्यासाठीही हे केंद्र आधार ठरले आहे़
या उपक्रमासाठी राजेंद्र मालू यांनी स्वत:ची जागा देवून तेथे पत्र्याचे शेडही उभारुन दिले आहे.
ग्रुपचे सदस्य वर्गणी जमा करून रोजच्या स्वयंपाकासाठी लागणारे साहित्य आणतात.
समाजातील काही दानशूर या उपक्रमासाठी मदत करीत आहेत़ तयार केलेले अन्न स्वच्छ प्लेटमध्ये सर्वांना उपलब्ध करून दिले जाते.
लोकांना आरामशीर भोजन घेता येण्यासाठी येथे उंच टेबलचीही व्यवस्था केली आहे़ जेवणासोबत चवीसाठी लोणचेही दिले जाते.
- लागवडीसाठी शेती तयार करताना दगड आणि गोट्यांची अडचण येते का? त्यासाठी करा ‘या’ यंत्राचा वापर आणि मिटवा शेतातील दगड-गोट्यांचा त्रास
- Indian Masala : तुम्हीही भाजीत ‘हे’ मसाले वापरताय? सावधान, होऊ शकतो कॅन्सर…
- राज्याला पुन्हा प्रगतीच्या दिशेने नेण्याचा संकल्प करुयात – पालकमंत्री राधाकृष्ण विखे पाटील
- मिलिंद नार्वेकरांकडून फोन..उद्धव ठाकरेंकडून फडणवीसांना मुख्यमंत्रिपदाची ऑफर.. पडद्यामागील घडामोडींचा गौप्यस्फोट
- जर आठवा वेतन आयोग लागू झाला तर पगारात किती वाढ होणार ? केव्हा लागू होणार 8th Pay Commission ? वाचा सविस्तर