बॉलीवूडमध्ये सध्या विविध खेळाडूंच्या जीवनावर आधारीत बायोपीकची क्रेझ आहे. महेंद्रसिंग धोनी, कपिलदेव, सायना नेहवाल यांच्या जीवनावरील बायोपीकसोबतच आता महिला क्रिकेट संघाच्या खेळाडूच्याही बायोपीकची चर्चा आहे.
यापूर्वी एका खेळाडूची भूमिका साकारलेल्या अभिनेत्री तापसी पन्नूची या बायोपीकसाठी निवड केल्याचे बोलले जात आहे. भारतीय क्रिकेट संघाची कर्णधार मिताली राजच्या जीवनावर चित्रपट येणार असल्याची चर्चा अनेक दिवसांपासून सुरू आहे, तर मितालीच्या भूमिकेसाठी तापसीची निवड केल्याचे म्हटले जात आहे.
मात्र, त्याबाबत अधिकृत घोषणा झाली नसून, चित्रपटाच्या कथेवर काम सुरू आहे. नुकत्याच झालेल्या एका मुलाखतीदरम्यान तापसीला मिताली राजच्या भूमिकेबद्दल विचारण्यात आले होते.
तेव्हा ही भूमिका आनंदाने स्वीकारण्यास तिने दुजोरा दिला आहे. दरम्यान, दिलजीत दोसांज यांच्या ‘सुरमा’ या चित्रपटात हॉकी प्लेअरच्या भूमिकेत यापूर्वी तापसी झळकली होती.
दरम्यान, वयाच्या १६व्या वर्षी क्रिकेटमधील पर्दापणासोबतच पहिले शतकही ठोकण्याचा मान मितालीने मिळवला आहे. त्यासोबतच आंतरराष्ट्रीय क्रिकेट सामन्यांमध्ये ६००० धावा पूर्ण करणारी ती पहिली महिला क्रिकेटपटू म्हणूनही नावाजली गेली. त्यामुळे तडफदार भूमिका साकारणाऱ्या तापसीला एका क्रिकेटरच्या भूमिकेत पाहणे औत्सुक्याचे ठरणार आहे.
- Ahmednagar Politics : शिर्डीत ट्विस्ट ! अहमदनगरच्या दिग्गज नेत्याची मुख्यमंत्र्यांसोबतच्या बैठकींनंतर मंत्री भुसेंसोबत २ तास चर्चा, प्रचारात होणार सक्रिय, गणिते बदलणार
- Maruti Suzuki : मारुतीच्या ‘या’ कारचा मार्केटमध्ये धमाका! विक्रीने गाठला नवा उच्चांक
- Tax Saving Tips: तुम्ही देखील नोकरदार आहात आणि तुम्हाला टॅक्स वाचायचा आहे का? ‘या’ पर्यायांचा वापर करा आणि 1.5 लाख रुपयापर्यंत टॅक्स वाचवा
- Ahmednagar News : अहमदनगरमधील ‘या’ गावात टोळीयुध्द ! विधवेच्या घरासह जाळपोळ, वाहनांची मोडतोड
- राधाकृष्ण विखे पाटील स्पष्टच बोलले…शरद पवारांवर आता विस्मरणाचा परिणाम ! नगर जिल्ह्याचे त्यांनी कसे वाट्टोळे केले, हे त्यांना पटवून देवू