अहमदनगर Live24 टीम, 05 फेब्रुवारी 2021:- तुम्हाला गाडी घ्यायची असेल तर मारुती सुझुकी फेब्रुवारीमध्ये एक उत्तम ऑफर घेऊन आली आहे. देशातील सर्वात मोठी कार निर्माता कंपनी मारुती फेब्रुवारीमध्ये आपल्या मोटारींवर विशेष सवलत देणारी ऑफर घेऊन आली आहे.
या ऑफर अंतर्गत आपण मारुती मोटारी स्वस्तात खरेदी करू शकता. मारुती सुझुकी एरिना आणि नेक्सा डीलरशिप फेब्रुवारीमध्ये खूप डिस्काउंट देत आहेत. ग्राहकांना कॅश डिस्काउंट, एक्सचेंज बोनस, कॉर्पोरेट सवलत आणि कॉम्प्लिमेंट्री एक्सेसरीज या स्वरूपात फायदा होऊ शकतो. चला जाणून घेऊया कोणत्या गाडीवर किती सूट दिली जात आहे.
डिजायर, स्विफ्ट आणि विटारा ब्रेझा –
एरिना डीलरशिपवर मारुती सुझुकी डिजायरवर 8,000 रुपये रोख सवलत आणि 20,000 रुपयांचा एक्सचेंज बोनस मिळत आहे. त्याचबरोबर कंपनीच्या स्विफ्ट आणि विटारा ब्रेझा या दोघांनाही 10,000 रुपये रोख सूट आणि 20,000 रुपयांचा एक्सचेंज बोनस मिळत आहे. कंपनीच्या सेलेरिओ आणि इको दोघांनाहीवरही 20,000 रुपयांच्या रोख सवलतीत आणि 20,000 रुपयांच्या एक्सचेंज बोनससह खरेदी करता येईल.
एस-प्रेसो व ऑल्टो 800 –
मारुती सुझुकी एस-प्रेसोवर 25,000 रुपये रोख सूट आणि 20,000 रुपयांचा एक्सचेंज बोनस देण्यात येत आहे. 20,000 रुपयांच्या रोख सूट आणि 15,000 रुपयांच्या एक्सचेंज बोनससह आपण ऑल्टो 800 खरेदी करू शकता. त्याचप्रमाणे कंपनी वॅगन आरवर 13,000 रुपयांपर्यंतची रोख सवलत आणि 15,000 रुपयांचा एक्सचेंज बोनस देत आहे. मारुती एर्टिगावर केवळ 4,000 रुपयांपर्यंत कॉर्पोरेट सूट मिळत आहे.
एस-क्रॉस वर डिस्काउंट –
नेक्सा डीलरशिप मारुती सुझुकी एस-क्रॉसच्या सिग्मा व्हेरिएंटवर 20,000 रुपयांचा एक्सचेंज बोनस, 37,000 रुपयांचाचे एक्सेसरीज आणि 10,000 रुपये कॉर्पोरेट सवलत देत आहे. या कारच्या इतर सर्व मॉडेल्सवर 15,000 रुपयांची रोकड सवलत, 20,000 रुपयांचा एक्सचेंज बोनस आणि 10,000 रुपये कॉर्पोरेट सवलत दिली जात आहे.
सियाझवर 40 हजार रुपये वाचवा –
सियाझवर 10,000 रुपयांची रोकड सूट दिली जात आहे. त्याचप्रमाणे 20,000 रुपयांचा एक्सचेंज बोनस आणि 10,000 रुपये कॉर्पोरेट सवलतही या कारवर घेता येईल.
मारुती सुझुकी एक्सएल -6
मारुती सुझुकी एक्सएल -6 वर 15,000 रुपयांचा एक्सचेंज बोनस आणि कॉर्पोरेट डिस्काऊंट 4,000 रुपये देण्यात येत आहे. मारुती इग्निसवर तुम्हाला 20,000 रुपयांची रोकड सूट मिळू शकते. या कारवर 15,000 रुपयांचा एक्सचेंज बोनस आणि 4,000 रुपये कॉर्पोरेट सवलतही उपलब्ध आहे. मारुती सुझुकी बलेनोवर 7,500 रुपये रोख सवलत, 10,000 रुपयांचा एक्सचेंज बोनस आणि कॉर्पोरेट 4,000 रुपयांची सूट मिळत आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved