New Soyabean Variety : कृषी क्षेत्रातील (Farming) उत्पादन आणि उत्पादकता वाढविण्यासाठी कृषी शास्त्रज्ञांकडून (Agriculture Scientist) सातत्याने नवनवीन वाण विकसित केले जात आहेत. त्यामुळे शेतकऱ्यांना पिकांच्या अधिक उत्पादनाचा फायदा होतो, तसेच विविध कीड व रोगांना प्रतिकारक असल्याने खर्चही कमी होतो.
मित्रांनो सोयाबीन या पिकाची (Soybean Crop) संपूर्ण भारतवर्षात शेती केली जाते. महाराष्ट्रात देखील सोयाबीन लागवडीखालील (Soybean Farming) क्षेत्र विशेष उल्लेखनीय आहे.
आता सोयाबीन उत्पादक शेतकरी बांधवांसाठी (Soybean Grower Farmer) एक आनंदाची बातमी समोर येत आहे. हाती आलेल्या माहितीनुसार, ICAR-सोयाबीन संशोधन केंद्र इंदूरने तीन उच्च उत्पन्न देणाऱ्या आणि कीटक-प्रतिरोधक जाती विकसित केल्या आहेत. सोयाबीन संशोधन केंद्र इंदूरने अलीकडे विकसित केलेल्या NRC 157, NRC 131 आणि NRC 136 ला सरकारने मान्यता दिली आहे.
या तिन्ही जातींमुळे उत्पादन वाढेल, तसेच कीड व रोगांना प्रतिरोधक असल्यामुळे पिकाचा खर्चही कमी होईल. निश्चितच या जातीच्या शेतीतून शेतकऱ्यांना चांगली कमाई होण्याची शक्यता आहे. अशा परिस्थितीत आज आपण या तिन्ही जातींविषयी थोडक्यात माहिती जाणून घेण्याचा प्रयत्न करणार आहोत. चला तर मग या जातींची वैशिष्ट्ये काय आहेत ते जाणून घेऊया.
सोयाबीन व्हरायटी NRC 157 ची वैशिष्ट्ये :- ही एक मध्यम परिपक्वता वाण आहे जी केवळ 94 दिवसात परिपक्व होते. या जातीचे सरासरी उत्पादन 16.5 क्विंटल प्रति हेक्टर आहे. ही जात अल्टरनेरिया लीफ स्पॉट, जिवाणू पुसटुल्स आणि टार्गेट लीफ स्पॉट यांसारख्या रोगांना माफक प्रमाणात प्रतिरोधक आहे. या जातीची उशिरा पेरणी करता येते. शास्त्रज्ञांच्या मते या जातीची पेरणी 20 जुलैपर्यंत करता येईल.
सोयाबीन व्हरायटी NRC 131 ची वैशिष्ट्ये :- कृषी विद्यापीठाने विकसित केलेली, सोयाबीनची ही जात ९३ दिवसांत परिपक्व होते, तिचे सरासरी उत्पादन १५ क्विंटल/हेक्टर आहे. हे चारकोल रॉट आणि टार्गेट लीफ स्पॉट यांसारख्या रोगांसाठी देखील माफक प्रमाणात प्रतिरोधक आहे. सोयाबीनची ही जात देशाच्या पूर्वेकडील भागांसाठी विकसित करण्यात आली आहे.
NRC-136 ची वैशिष्ट्ये :- सोयाबीनची ही जात 105 दिवसात पक्व होते आणि ते सरासरी 17 क्विंटल प्रति हेक्टर उत्पादन देते. सोयाबीनची ही जात दुष्काळ सहन करणारी आहे. सोयाबीनच्या या जातीला मध्यवर्ती क्षेत्रासाठी मान्यता देण्यात आली आहे. ही सोयाबीन जात मूंगबीन यलो मोझॅक व्हायरसला प्रतिरोधक आहे.