Dry Fruits with Milk : हिवाळ्यात आपली रोगप्रतिकारक शक्ती खूपच कमकुवत असते. म्हणूनच या मोसमात आजारी पाडण्याचे प्रमाण देखील जास्त असते. या मोसमात बरेच जण सर्दी, खोकला या आजारांना बळी पडतात. अशा स्थितीत आपल्याला आपल्या आहाराकडे विशेष लक्ष देण्याची गरज असते.
हिवाळ्याच्या मोसमात रोगप्रतिकारक शक्ती वाढवण्यासाठी खाण्यापिण्याच्या सवयींकडे लक्ष देणे आवश्यक आहे. सर्व अन्नांमध्ये दुधाला संपूर्ण आहार म्हटले जाते. दूध प्यायल्याने शरीराला अनेक फायदे होतात. अशा स्थितीत दूध आपल्या रोजच्या आहाराचा भाग बनवणे आवश्यक आहे. पण हिवाळ्यात रोगप्रतिकारक शक्ती वाढवण्यासाठी दुधासोबत काही गोष्टी खाल्ल्यास शरीराला भरपूर फायदे मिळतात.
आपण रोज दुधासोबत ड्रायफ्रुट्सचे सेवन केल्यास हाडे आणि स्नायू मजबूत होतात. मजबूत हाडांमुळे, फ्रॅक्चरचा धोका कमी होतो. त्याच वेळी, स्नायूंमध्ये पेटके आणि सूज येण्याची समस्या देखील कमी होते. आजच्या या लेखात आपण दूधासोबाबत कोणते ड्रायफ्रूस्ट खाणे फायदेशीर ठरेल हे जाणून घेणार आहोत.
दुधासोबत करा ‘या’ ड्रायफ्रूट्सचे सेवन :-
-दूध हा संपूर्ण आहार आहे, तर काजू हे फायबर, मॅग्नेशियम, मॅंगनीज, प्रथिने, लोह, फॉस्फरस, जस्त, तांबे, व्हिटॅमिन के, व्हिटॅमिन बी 6 आणि थायामिन यांसारख्या पोषक तत्वांचा स्रोत आहेत. दुधात भिजवलेले काजू खाल्ल्याने हाडे आणि स्नायूंचा विकास होण्यास मदत होते. त्याचबरोबर बद्धकोष्ठतेपासूनही आराम मिळतो.
-मनुका मध्ये व्हिटॅमिन ए, डी आणि के पुरेशा प्रमाणात आढळतात. दुधासोबत मनुका खाल्ल्याने शरीराला अनेक फायदे होतात. त्याने हाडे मजबूत होतात. हे रोगप्रतिकारक शक्ती देखील वाढवते आणि अनेक प्रकारच्या संक्रमणांपासून संरक्षण करते. याशिवाय त्याचे सतत सेवन केल्याने शरीरातील रक्ताची कमतरता दूर होण्यास मदत होते. कारण त्यात लोह मुबलक प्रमाणात आढळते. त्याचबरोबर दूध आणि मनुका खाल्ल्याने पचनक्रिया सुरळीत चालते. मनुका दूध आपल्या त्वचेसाठी आणि केसांसाठी देखील फायदेशीर आहे.
-फायबर, मॅग्नेशियम, जीवनसत्त्वे, प्रथिने, कॅल्शियम, रिबोफ्लेविन, पोटॅशियम आणि नियासिन बदामामध्ये आढळतात. दुधात कार्बोहायड्रेट, कॅल्शियम, पोटॅशियम आणि प्रथिने असतात. बदामाचे दूध सेवन केल्याने शरीराला कॅल्शियमचा पुरवठा होतो. हाडे मजबूत करण्यासोबतच शरीरातील कमजोरीही दूर करते. बारीक होण्याच्या समस्येने त्रस्त असलेल्यांसाठी हे दूध खूप फायदेशीर आहे. त्याचा सतत वापर केल्याने वजन वाढते. याशिवाय या दुधामुळे रोगप्रतिकारशक्तीही वाढते.
-अक्रोडमध्ये व्हिटॅमिन बी, व्हिटॅमिन सी, व्हिटॅमिन के, व्हिटॅमिन बी 2, लोह, फायबर, ओमेगा 6 फॅटी अ‍ॅसिड आढळतात. दुधासोबत अक्रोड खाल्ल्याने कर्करोगाचा धोका कमी होतो. अक्रोडमध्ये कर्करोगविरोधी गुणधर्म असतात, जे कर्करोगाच्या पेशी वाढण्यापासून रोखण्यास मदत करतात. अक्रोड आणि दूध खाल्ल्याने स्मरणशक्ती चांगली राहते. याशिवाय आपली त्वचा आणि केसही चांगले राहतात.
याच्या सेवनाने रक्तातील साखरेची पातळीही नियंत्रणात राहते. अक्रोडाचे दूध प्यायल्याने हृदयाच्या समस्यांचा धोकाही कमी होतो, कारण दुधामध्ये प्रथिने आणि जीवनसत्त्वे सारखे घटक आढळतात. त्याच वेळी, अक्रोडमध्ये ओमेगा 6 फॅटी ऍसिड आढळतात. हे हृदयासाठी खूप चांगले मानले जातात.
-खजूरमध्ये फायबर, जीवनसत्त्वे, खनिजे आणि अँटिऑक्सिडंट असतात. दुधातही अनेक पोषक घटक असतात. दूध आणि खजूर यांचे सेवन केल्याने पचनक्रिया व्यवस्थित राहण्यास मदत होते. खजूरमध्ये फायबर असते, तर दूध कॅल्शियमचा स्रोत आहे. यामुळे आपली पचनक्रिया बरोबर राहते.
खजूरमध्ये अँटीऑक्सिडंट असतात आणि दुधात कॅल्शियम असते, ज्यामुळे मधुमेह नियंत्रणात राहतो. याशिवाय केस आणि रोगप्रतिकारक शक्तीसाठीही हे फायदेशीर आहे. याशिवाय दूध आणि खजूर शरीराला ऊर्जा देतात.