Gold Price Today: या आठवड्यात सलग दुसऱ्या दिवशी सोन्याच्या दरात (gold price) घसरण झाली आहे. भारतीय सराफा बाजारात (Indian bullion market) आठवड्याच्या दुसऱ्या व्यवहाराच्या दिवशी म्हणजे मंगळवारीही सोन्याचे भाव स्वस्त झाले आहेत. सणासुदीला सुरुवात होण्यास अवघे काही दिवस उरले आहेत. या दृष्टीने सोने खरेदीसाठी हा काळ अतिशय चांगला आहे.
आज 22 कॅरेट सोन्याचा भाव किती आहे
गुड रिटर्न वेबसाइटवरून मिळालेल्या माहितीनुसार, मंगळवारी सोन्याच्या दरात घसरण झाली आहे. ही घसरण अत्यंत किरकोळ असली तरी दिल्लीत आज २२ कॅरेट शुद्ध सोन्याचा भाव 10 रुपयांनी घसरून 45,840 रुपये प्रति दहा ग्रॅम झाला. मागील व्यवहारात सोने 45,850 रुपये प्रति दहा ग्रॅमवर बंद झाले होते.
24 कॅरेट सोन्याचा दर
मंगळवारी 22 कॅरेट सोन्याबरोबरच 24 कॅरेट शुद्ध सोन्याच्या दरातही घट झाली आहे. तथापि, ही घसरण देखील अत्यंत किरकोळ आहे. गुड रिटर्न वेबसाइटवरून मिळालेल्या माहितीनुसार, 24 कॅरेट शुद्ध सोन्याचा भाव मंगळवारी 10 रुपयांनी घसरून 50,010 रुपये प्रति दहा ग्रॅम झाला. मागील व्यवहारात 24 कॅरेट सोने प्रति दहा ग्रॅम 50,020 रुपयांच्या पातळीवर होते.
आतापर्यंतच्या उच्च किंमतीपेक्षा सोने किती स्वस्त झाले
आज सोन्याचा भाव त्याच्या आतापर्यंतच्या उच्चांकी किमतीपेक्षा खूपच खाली आला आहे. ऑगस्ट 2020 मध्ये सोन्याच्या किमतीने आतापर्यंतचा उच्चांक गाठला होता. ऑगस्ट 2020 मध्ये सोन्याचा भाव 55,400 रुपये प्रति दहा ग्रॅमवर पोहोचला होता.
आज बाजारात 22 कॅरेट सोन्याचा भाव 45,840 रुपये प्रति दहा ग्रॅम आहे. जर तुम्ही आजच्या किमतीची त्याच्या सर्वकालीन उच्च दराशी तुलना केली, तर तुम्हाला दिसेल की सोन्याचा दर 9,560 रुपये प्रति दहा ग्रॅमपर्यंत तुटला आहे.