Weekly Gold Price: या आठवड्यात सोन्याच्या दरात घसरण झाली आहे. धनत्रयोदशीपूर्वी (dhantrayodashi) सोन्याच्या दरात झालेली घट ही ग्राहकांसाठी आनंदाची बातमी आहे. कारण धनत्रयोदशीच्या दिवशी लोक मोठ्या प्रमाणावर सोन्याचे दागिने खरेदी करतात. भारतीय सराफा बाजारात (Indian Bullion Market) या आठवड्यात सोन्याचा भाव 50 हजार रुपयांच्या खाली आला आहे. या आठवड्याच्या शेवटच्या व्यवहाराच्या दिवशी शुक्रवारी सोन्याचा भाव 49,885 रुपयांवर बंद झाला. या आठवड्यात दोन दिवस वगळता उर्वरित तीन दिवस सोन्याच्या दरात घसरण होती. जाणून घेऊया येथे सोन्याची साप्ताहिक किंमत (weekly price of gold).
या आठवड्यात सोन्याचे भाव –
गेल्या आठवड्याच्या शेवटच्या दिवशी सोन्याचा भाव 50,763 रुपये प्रति 10 ग्रॅमवर बंद झाला होता. सोमवारी या आठवड्याच्या पहिल्या व्यवहाराच्या दिवशी, सोन्याचे भाव घसरले आणि 50,315 रुपये प्रति 10 ग्रॅमवर बंद झाले. त्यात मंगळवारी किरकोळ वाढ झाली. बुधवारी भाव 50,135 पर्यंत घसरले. गुरुवारी, किमती 50,247 वर चढल्या. मात्र शुक्रवारी सोन्याच्या दरात मोठी घसरण झाली आणि तो 49,855 रुपये प्रति 10 ग्रॅमवर आला.
सोने किती स्वस्त आहे?
IBJA दरांनुसार, गेल्या आठवड्याच्या तुलनेत या आठवड्यात सोन्याच्या किमतीत घट झाली आहे. गेल्या आठवड्यातील शेवटच्या व्यवहाराच्या दिवशी शुक्रवारी सोन्याचा भाव 50,763 रुपये प्रति 10 ग्रॅमवर बंद झाला होता. त्यानुसार या आठवड्यात सोन्याच्या दरात 908 रुपयांची घसरण नोंदवण्यात आली आहे.
24 कॅरेट सोन्याची किंमत –
इंडियन बुलियन अँड ज्वेलर्स असोसिएशन (Indian Bullion and Jewelers Association) नुसार, 21 ऑक्टोबर रोजी 24 कॅरेट सोन्याचा भाव कमाल 50,062 होता. त्याच वेळी, गेल्या आठवड्यात 24 कॅरेट सोन्याचा भाव 50,763 रुपये होता. त्यानुसार या आठवड्यात 24 कॅरेट सोन्याच्या दरात 701 रुपयांची घसरण नोंदवण्यात आली आहे. या आठवड्यात 22 कॅरेट सोन्याचा दर 49,862 रुपये राहिला. सर्व प्रकारच्या सोन्याचे दर कर न लावता मोजले गेले आहेत. सोन्यावर जीएसटी चार्जेस (GST Charges on Gold) वेगळे भरावे लागतात.त्यामुळे दागिन्यांच्या किमती वाढतात.
सोने खरेदी करताना शुद्धता तपासा –
तुम्हीही धनत्रयोदशीच्या दिवशी सोने किंवा सोन्याचे दागिने खरेदी करणार असाल तर दुकानात खरेदी करताना त्याची शुद्धता नीट तपासा. ब्युरो ऑफ इंडियन स्टँडर्ड्स (Bureau of Indian Standards) च्या हॉलमार्कसह नेहमी प्रमाणित सोने खरेदी करा. सरकारने आता ते अनिवार्य केले आहे. याशिवाय, सोने किंवा दागिने खरेदी करताना, शुद्धता कोड, चाचणी केंद्र चिन्ह, ज्वेलर्स चिन्ह आणि चिन्हांकित तारीख निश्चितपणे तपासा. हॉलमार्क हे सोन्याच्या शुद्धतेचे मोजमाप आहे