IMD Alert : राज्यात आणि देशात मान्सूनने (Monsoon) दस्तक दिली आहे. तसेच अजूनही काही भागात मान्सून पोहोचलेला नाही. लवकरच मान्सून सर्वदूर सक्रिय होईल असेल हवामान खात्याकडून (Weather department) सांगणायत येत आहे. तसेच पुढी काही दिवसात देशातील काही भागात मुसळधार पाऊस (Heavy Rain) पडणार असल्याचा इशारा हवामान खात्याने दिला आहे.
भारतीय हवामान खात्याने (IMD) याबाबत अलर्ट जारी (Alert issued) केला असून येत्या काही दिवसांत अनेक राज्यांमध्ये मुसळधार पाऊस पडू शकतो, असे सांगितले आहे. पावसानंतर उन्हाने हैराण झालेल्या नागरिकांना दिलासा मिळणार आहे.
या 9 राज्यांमध्ये मुसळधार पावसाची शक्यता आहे
IMD ने पुढील काही दिवसांत उत्तराखंड, उत्तर प्रदेश, बिहार आणि मध्य प्रदेशमध्ये मुसळधार ते अतिवृष्टीचा इशारा दिला आहे. गोव्यात पुढील ५ दिवस अतिवृष्टीचा अंदाज आहे. याशिवाय गुजरात, कर्नाटक, आंध्र प्रदेश आणि पश्चिम बंगालमध्येही जोरदार पावसाची शक्यता आहे.
या राज्यांमध्ये हलक्या पावसाचा अंदाज
भारतीय हवामान विभाग (IMD) नुसार, हिमाचल प्रदेश आणि राजस्थानमध्ये 28 ते 30 जून दरम्यान हलका पाऊस अपेक्षित आहे, तर पंजाब, हरियाणा आणि दिल्लीमध्ये 29-30 जून रोजी पावसाची शक्यता आहे.
दिल्लीत मान्सूनची वाट पाहावी लागणार आहे
आयएमडीने अद्याप दिल्लीत मान्सूनच्या आगमनाची तारीख निश्चित केलेली नाही, परंतु हवामान खात्याने सांगितले की मान्सून 29 जूनपर्यंत वायव्य भारत आणि 6 जुलैपर्यंत संपूर्ण देश व्यापेल.
तथापि, स्कायमेट वेदरचे (Skymet Weather) उपाध्यक्ष महेश पलावत यांनी सांगितले की, दिल्लीत 29 जूनपासून पुन्हा पाऊस पडेल आणि मान्सून 30 जून किंवा 1 जुलैपर्यंत दिल्लीत पोहोचण्याची शक्यता आहे.
मान्सून आल्यावर दिल्लीत चांगला पाऊस अपेक्षित आहे
हवामान तज्ज्ञांच्या मते, मान्सून दिल्लीपासून अवघे काही दिवस दूर आहे, परंतु राष्ट्रीय राजधानीत दार ठोठावल्यानंतर 10 दिवसांत चांगला पाऊस अपेक्षित आहे.
स्कायमेट वेदरचे उपाध्यक्ष महेश पलावत यांच्या मते, जुलैच्या पहिल्या आठवड्यात मुसळधार पाऊस पडल्याने पावसाची कमतरता दूर होऊन उष्णतेपासून दिलासा मिळेल.
वेस्टर्न डिस्टर्बन्सच्या अनुपस्थितीमुळे या वर्षी 1 मार्चपासून दिल्लीत केवळ 72.5 मिमी पाऊस झाला आहे, तर या कालावधीत सरासरी पाऊस 107.3 मिमी असावा.