Maharashtra Weather : गेल्या काही दिवसांपूर्वीच केरळ (Kerala) मध्ये मान्सून (Monsoon) दाखल झाल्यानंतर तो महाराष्ट्रातही (Maharashtra) धुमधडाक्यात दाखल झाला आहे. महाराष्ट्रातील हवामान देखील बदलले आहे. तसेच देशातील अनेक राज्यांमध्ये मान्सून चे वारे वाहताना दिसत आहे.
मुंबईसह अनेक ठिकाणी मुसळधार पाऊस सुरू आहे. अशा स्थितीत शनिवार, १८ जून रोजी हवामानाचा मूड असाच राहील. भारतीय हवामानशास्त्र विभागाने (IMD) दिलेल्या माहितीनुसार, शनिवारी आणि रविवारी विदर्भात पाऊस पडण्याची शक्यता आहे.
तर 18 जून ते 21 जून दरम्यान दक्षिण कोकण आणि मध्य महाराष्ट्रातील घाट भागात 20 ते 21 जून रोजी पावसाची शक्यता आहे. त्याचवेळी महाराष्ट्रातही काही दिवसांपासून तापमानात घट झाली आहे. त्यामुळे नागरिकांना उन्हापासून मोठा दिलासा मिळाला आहे.
दुसरीकडे, महाराष्ट्रातील हवेचा दर्जा निर्देशांक बहुतांश शहरांमध्ये ‘चांगल्या ते समाधानकारक’ श्रेणीत नोंदवला जात आहे. चला तर मग, शनिवारी महाराष्ट्रातील प्रमुख जिल्ह्यांमध्ये हवामान कसे असेल आणि कुठे पाऊस (Rain) पडू शकतो ते सांगूया.
मुंबईचे हवामान
शनिवारी मुंबईत कमाल तापमान 33 तर किमान तापमान 25 अंश सेल्सिअस राहील. आकाश ढगाळ राहण्याचा अंदाज असून, मधूनमधून पाऊसही पडू शकतो. हवेच्या गुणवत्तेचा निर्देशांक ‘चांगल्या’ श्रेणीत 50 वर नोंदवला गेला आहे.
नागपूरचे हवामान
नागपुरातही कमाल तापमान 33 अंश सेल्सिअस आणि किमान तापमान 24 अंश सेल्सिअस राहण्याचा अंदाज आहे. आकाश ढगाळ राहील, तर एक-दोन ठिकाणी पावसाची शक्यता आहे. नागपुरातील हवा गुणवत्ता निर्देशांक 58 आहे, जो ‘समाधानकारक’ श्रेणीत येतो.
पुण्याचे हवामान
पुण्यात कमाल तापमान 34 तर किमान तापमान 24 अंश सेल्सिअस राहील. पुण्यात हलक्या पावसाची शक्यता आहे. तसेच अनेक ठिकाणी ढगाळ वातावरण राहील. हवेचा दर्जा निर्देशांक ‘समाधानकारक’ श्रेणीत 86 वर नोंदवला गेला आहे.
औरंगाबादचे हवामान
औरंगाबादमध्ये कमाल तापमान 36 अंश सेल्सिअस तर किमान तापमान 25 अंश सेल्सिअस राहील. येथे ढगाळ वातावरण असेल, हलक्या पावसाची शक्यता आहे. हवेचा दर्जा निर्देशांक ‘समाधानकारक’ श्रेणीत 92 आहे.
नाशिक हवामान
नाशिकमध्ये कमाल तापमान 33 अंश सेल्सिअस तर किमान तापमान 24 अंश सेल्सिअस राहण्याचा अंदाज आहे. ढगाळ वातावरणासह हलका पाऊस पडण्याची शक्यता आहे. हवेच्या गुणवत्तेचा निर्देशांक ‘समाधानकारक’ श्रेणीत 66 वर नोंदवला गेला आहे.