Weather Update : देशातील काही राज्यात सध्या उष्णतेची लाट (Heat wave) सुरु आहे. उकाड्यामुळे अनेकजण हैराण झाले आहेत. मात्र आता लवकरच मान्सून चे आगमन होणार असल्याने उष्णतेपासून दिला मिळण्याची शक्यता आहे. मात्र मान्सून येण्यापूर्वी काही राज्यात मान्सून पूर्व पाऊस (Pre-monsoon rains) पडणार आहे.
उत्तर भारतातील (North India) अनेक राज्यांमध्ये ते काही काळ ४४-४५ अंशांच्या आसपास राहिले आहे. हवामान खात्याच्या (IMD) ताज्या अपडेटनुसार, आजपासून पुढच्या एका आठवड्यापर्यंत अनेक भागात उष्णतेच्या लाटेपासून लोकांना दिलासा मिळणार आहे.
एमआयडीच्या ताज्या अंदाजानुसार, आजपासून 24 मे पर्यंत, दिल्ली-एनसीआरमध्ये काही प्रमाणात प्री-मॉन्सून पाऊस (Rain) पडू शकतो. हवामान खात्याच्या म्हणण्यानुसार, मान्सूनपूर्व पावसामुळे संपूर्ण दिल्ली-एनसीआरमध्ये तापमानात घट होण्याची शक्यता आहे.
येत्या काही दिवसांत प्रदेशाच्या काही भागात वादळी वारे आणि पाऊस पडल्याने उष्णतेपासून दिलासा मिळण्याची शक्यता हवामान खात्याने व्यक्त केली आहे. IMD नुसार, दिल्ली-राष्ट्रीय राजधानी क्षेत्र आणि लगतच्या भागात गडगडाटी वादळ, धुळीचे वादळ किंवा 30-40 किमी प्रतितास वेगाने वारे वाहू शकतात.
IMD ने शहराच्या दूरवरच्या भागात हलक्या पावसाचा अंदाज वर्तवला आहे. हवामान खात्याने 23 आणि 24 मे रोजी यलो अलर्ट जारी केला आहे. यासोबतच येत्या ५ दिवसांत पश्चिम हिमालयीन भागात जोरदार वाऱ्यासह मुसळधार पावसाची शक्यता हवामान खात्याने वर्तवली आहे.
आजपासून हिमाचल प्रदेश, उत्तराखंड, पंजाब, हरियाणा आणि पश्चिम उत्तर प्रदेशमध्ये गारपिटीचा अंदाज वर्तवण्यात आला आहे. जम्मू-काश्मीरमध्ये आज पाऊस आणि मेघगर्जनेसह पाऊस पडण्याची शक्यता आहे.
हवामान खात्याच्या अधिकाऱ्याने सांगितले की, येत्या २४ तासांत जम्मू-काश्मीरमध्ये अनेक ठिकाणी मेघगर्जनेसह पाऊस पडण्याची शक्यता आहे. यासोबतच आज किनारपट्टी आणि दक्षिण कर्नाटक आणि केरळमध्ये मुसळधार पावसाची शक्यता आहे.
मात्र, रविवारनंतर या भागात पाऊस कमी होण्याची शक्यता आहे. त्याचवेळी, शनिवारी अरुणाचल प्रदेश आणि पुढील दोन दिवस आसाम, मेघालय, बंगाल आणि सिक्कीममध्ये पावसाचा अंदाज आहे.