OnePlus India : सध्या वनप्लसकंपनी आपल्या नवीन फोनवर काम करत आहे, त्याचे नाव OnePlus 13 असे आहे. कपंनी हा फोन या वर्षी ऑक्टोबरमध्ये सादर करेल. OnePlus 13 हा स्नॅपड्रॅगन 8 जनरेशन 4 प्रोसेसरने सुसज्ज असल्याचे बोलले जात आहे. OnePlus 13 लाँच होण्यासाठी अजून काही महिने बाकी आहेत, पण लीकमध्ये या फोनबद्दल नवी-नवीन माहिती समोर येत आहे.
OnePlus 13 चे स्पेसिफिकेशन्स
डिजिटल चॅट स्टेशननुसार, OnePlus 13 मध्ये 6.8-इंचाचा OLED LTPO डिस्प्ले मायक्रो-वक्र डिझाइन आणि 2K रिझोल्यूशनसह असेल. याशिवाय यात अल्ट्रासोनिक इन-स्क्रीन फिंगरप्रिंट स्कॅनर असण्याची शक्यता आहे. OnePlus फ्लॅगशिपमध्ये ऑप्टिकल अंडर-डिस्प्ले फिंगरप्रिंट सेन्सर आहे. DCS च्या मते, कंपनी सध्या अल्ट्रासोनिक फिंगरप्रिंट सेन्सरची चाचणी करत आहे.
लीकमध्ये दिलेल्या माहितीनुसार OnePlus 13 मल्टी-फोकल कॅमेरा सिस्टमने सुसज्ज असेल. मागील मॉडेलप्रमाणे, OnePlus 13 मध्ये उच्च ऑप्टिकल झूमसाठी पेरिस्कोप टेलीफोटो कॅमेरा असेल. मागील लीक्सने दावा केला होता की OnePlus 13 चे मागील डिझाइन नवीन असेल.
OnePlus च्या Ace आणि Number मालिकेतील काही फ्लॅगशिप फोनचे मागील डिझाइन सारखेच होते. या वर्षी कंपनीने चीनमध्ये Ace 3 आणि Ace 3V हे दोन Ace सीरिजचे फोन लॉन्च केले आहेत. Ace 3 मोबाईलच्या तुलनेत Ace 3V मध्ये नवीन कॅमेरा डिझाईन आहे. OnePlus 13 ला देखील Ace 3V सारखे प्रीमियम आणि नवीन डिझाईन मिळण्याची शक्यता आहे.
