OnePlus ने गेल्या वर्षी जूनमध्ये OnePlus Nord N200 लाँच केले होते. यानंतर, या वर्षी जूनमध्ये, या स्मार्टफोनचा उत्तराधिकारी OnePlus Nord N300 FCC सर्टिफिकेशन वेबसाइटवर दिसला. आता ताज्या अहवालात या आगामी स्मार्टफोनच्या लॉन्च टाइमलाइनची माहिती देण्यात आली आहे. यासोबतच फोनचे खास स्पेसिफिकेशनही समोर आले आहे. यात 90Hz रिफ्रेश रेटसह डिस्प्ले मिळण्याची अपेक्षा आहे. स्मार्टफोनच्या लॉन्च आणि स्पेसिफिकेशन तपशीलांसाठी वाचा सविस्तर.
OnePlus Nord N300 लाँच स्पेसिफिकेशन्स
The Verge च्या अलीकडील अहवालानुसार, OnePlus चे प्रवक्ते Spencer Blank ने खुलासा केला आहे की OnePlus Nord N300 नोव्हेंबरमध्ये उत्तर अमेरिकेत लॉन्च केला जाईल. रिपोर्टमध्ये असेही सांगण्यात आले आहे की या स्मार्टफोनमध्ये MediaTek चिपसेट दिला जाईल. त्याच्या डिस्प्लेचा रिफ्रेश रेट 90Hz असेल.
रिपोर्टनुसार, हा OnePlus फोन 33W फास्ट चार्जिंग सपोर्टसह येईल. OnePlus US मध्ये OnePlus Nord N300 ला मॉडेल नंबर CPH2389 सह सादर करेल. FCC व्यतिरिक्त, हँडसेट ब्लूटूथ SIG ऑथॉरिटीवर देखील स्पॉट झाला आहे. या स्मार्टफोनला ब्लूटूथ 5.3, NFC, Wi-Fi 802.11ac आणि n2 / n25 / n41 / n66 / n71 / n77 5G बँड मिळतील असे प्रमाणपत्राने उघड केले आहे.
फोनच्या इतर फीचर्सबद्दल सध्या कोणतीही माहिती नाही. मात्र, आगामी काळात कंपनी या संदर्भात अधिक माहिती देऊ शकते, अशी अपेक्षा आहे.
OnePlus Nord N200 5G स्पेसिफिकेशन्स
OnePlus Nord N200 5G च्या वैशिष्ट्यांबद्दल बोलायचे झाल्यास, यात 6.49-इंचाचा IPS LCD FHD डिस्प्ले आहे. त्याचा रीफ्रेश रे 90Hz आहे. सेल्फी आणि व्हिडिओ कॉलिंगसाठी फोनमध्ये 16MP कॅमेरा आहे. याशिवाय 13MP मेन कॅमेरा, 2MP डेप्थ लेन्स, 2MP मॅक्रो लेन्स याच्या मागील बाजूस देण्यात आले आहेत.
फोन स्नॅपड्रॅगन 480 चिप सह येतो आणि Android 11 वर आधारित OxygenOS UI वर चालतो. यात 18W फास्ट चार्जिंगसह 5000mAh बॅटरी आहे. फोनमध्ये साइड माउंटेड फिंगरप्रिंट सेन्सर देण्यात आला आहे.