बेलापूरः चोरीच्या उद्देशाने थांबल्याचा संशय आल्याने उक्कलगाव येथील एका युवकाला मारहाण करण्यात आली. त्यानंतर सदर युवकाने आपल्या साथीदाराच्या मदतीने वऱ्हाडी मडंळींना मारहाण केल्याची घटना बेलापूर खुर्द येथे घडली.
याप्रकरणी पोलीस व सामाजिक कार्यकर्त्यांच्या मध्यस्थीनंतर वादावर पडदा पडला. नगर येथील वऱ्हाडी मंडळी बेलापूर खुर्द येथे लग्न समारंभासाठी आली होती. वरात चालू असताना उक्कलगाव येथील युवकाला धक्का लागला, त्याचा जाब विचारला असता वऱ्हाडी मंडळींनी त्या युवकास मारहाण केली.
मारहाण झालेल्या युवकाने गावातून आपले जोडीदार बोलावून घेतले अन् दिसेल त्यांना मारहाण सुरु केली. गावातील काहींनी मध्यस्थी करुन मारामाऱ्या सोडविल्या तोपर्यंत बेलापूरचे पोलीस देखील घटनास्थळी पोहोचले होते.
गावातील सामाजिक कार्यकर्ते व पोलीस यांच्या मध्यस्थीने या वादावर पडदा टाकण्यात आला. परंतु, मारहाणीत ब-याच जाणांना मुका मार लागलेला होता. यात काही महिलांना देखील मारहाण झालेली होती.
काल आठवडे बाजार असल्यामुळे ही वार्ता वाऱ्यासारखी पसरली. याठिकाणी बाहेर गावाहुन लग्न समारंभासाठी लोक येतात. लग्न समारंभात कोण पाहुणे हे समजत नसल्याचा फायदा घेऊन मोठ्या प्रमाणात चो-या होत असतात.
कालच्या कार्यक्रमात देखील पाच हजार रुपये व काही भांडे चोरीस गेल्याची खात्रीशीर माहिती असून कुणीही तक्रार करण्याच्या भानगडीत पडत नाही. त्यामुळे चोराचे धाडस वाढले आहे. या चोरांचा बंदोबस्त करावा, अशी मागणी ग्रामस्थांनी केली आहे.
- Supreme Court Decision: ‘स्त्रीधन’ ही पूर्णतः पत्नीची मालमत्ता, त्यावर पतीचा कुठलाही प्रकारचा नसणारा अधिकार! सुप्रीम कोर्टने दिला महत्वपूर्ण निर्णय
- तुम्हाला माहित आहे का की उत्तीर्ण होण्यासाठी किमान 33% का आवश्यक असतात? वाचा यामागील महत्वाचे कारण
- व्यक्तीच्या पायाची बोटे सांगतात त्या व्यक्तीचे व्यक्तिमत्व कसे आहे? वाचा पायाच्या बोटांवरून एखाद्या व्यक्तीची जीवनशैली कशी ओळखाल?
- Numerology: ‘या’ तारखांना जन्मलेल्या मुली घराच्या प्रगतीसाठी असतात महत्त्वाच्या आणि पतीला देतात प्रत्येक पावलावर साथ! वाचा माहिती
- Railway Ticket Booking: तिकीट एजंटकडून रेल्वेचे कन्फर्म तिकीट बुक करत आहात का? जरा थांबा,नाहीतर होऊ शकतो मनस्ताप