श्रीगोंदा :- तालुक्यातील खाकी बाबा देवस्थान जवळ बंदोबस्तासाठी तैनात असणाऱ्या पोलिसाला मद्यपी तरुणांनी बेदम मारहाण केल्याने पोलीस कर्मचारी संजय कोतकर हे जखमी झाले आहेत.
त्याच्यावर ग्रामीण रुग्णालयात उपचार सुरु आहेत. पोलिसावरच दारुड्याने हात उचलल्याने कायद्याचा धाक आहे की नाही असा सवाल नागरिक उपस्थित करत आहेत.
पिसोरे खांड, येथील आषाढ महिन्यात भरणाऱ्या खाकी बाबांच्या यात्रा उस्तवात पोलिस कॉन्स्टेबल संजय कोतकर यांना जमावाकडून जबर मारहाण झाल्याची घटना घडली.
यावेळी मोठा जमावाने पोलिसाच्या मागे धावत पळत मारहाण केली आहे. आडदांड प्रवृत्तीच्या १५ ते २० इसमांनी हे गैर कृत्य केले आहे.
श्रीगोंदा मांडवगण नगर रोडवर हे देवस्थान आहे. आषाढ महिन्यात तिसऱ्या गुरुवारी हा यात्रा उत्सव भरतो. येथे आजूबाजूच्या गावांतील लोक आनंद साजरा करण्यासाठी येतात. त्यात काही टवाळखोर प्रवृत्ती लोक ही येतात. त्यातून वाद निर्माण होतात.
श्रीगोंदा मांडवगण रोडवर खाकी बाबा देवस्थान शेजारी झालेली वाहनांची गर्दी हटवण्यासाठी श्रीगोंदा रोडवर पोलीस हवालदार अनिल भारती व नगर रोडवर पो.कॉ. संजय कोतकर हजर होते.
मात्र गर्दी वाढल्याने ती सुरळीत करण्यासाठी पो.कॉ. कोतकर यांनी देवस्थानच्या शेजारील वाहने व गर्दी हटवताना तेथील काही गावगुंड प्रवृत्तीच्या
२५ ते ३५ वयोगटातील तरुण व ५० च्या आसपास असलेल्या एका पांढरा पायजमा, शर्ट घातलेल्या इसमाने पोलीस कॉन्स्टेबल कोतकर यांच्यावर राग अनावर होऊन हल्ला चढवला.
अक्षरशः नगर रोड पासून खाकी बाबाच्या देवस्थान समोर भेळीच्या दुकाना समोर पळून पळून त्यांना मारहाण करण्यात आली आहे.
पोलीस कॉन्स्टेबल संजय कोतकर यास जागीच उलट्या होऊ लागल्याने त्यास सहाय्यक फौजदार अनिल भारती यांनी उपचारासाठी श्रीगोंदा या ठिकाणी तात्काळ हलविले.
- कार खरेदी करणाऱ्यांसाठी गुड न्यूज ! Mahindra XUV 3XO लाँच झाली, मायलेज अन सेफ्टी फीचर्स आहेत दमदार, किंमत किती ?
- DY Patil Vidyapeeth Pune : पुण्यातील डॉ. डी.वाय. पाटील विद्यापीठात नोकरी करण्याची उत्तम संधी, वाचा सविस्तर…
- मुंबई SNDT यूनिवर्सिटीत ‘शिक्षक’ पदांच्या जागेसाठी निघाली भरती; अर्ज प्रक्रिया जाणून घेण्यासाठी वाचा बातमी!
- तुमची कुंडली काढायला लावू नका ! केडगांवमध्ये नीलेश लंके यांचा इशारा केडगांवकरांच्या मी पाठीशी, लंके यांची ग्वाही
- Safest Cars : सुरक्षित कार खरेदी करायचीय?, मग बघा भारतातले स्वस्त 5-स्टार सुरक्षा रेटिंग असलेले बेस्ट पर्याय, फीचर्सही भन्नाट!