श्रीगोंदे :- तालुक्यातील पिसोरेखांड येथील भरत नारायण कराळे (२६) या तरुणाचा गळ्याला फास अडकवलेल्या स्थितीतील मृतदेह देऊळगावच्या हद्दीत शुक्रवारी आढळला.
दरम्यान मृत्यूपूर्वी त्याने गावातील एक ग्रामपंचायत सदस्याच्या विरोधात मारहाण केल्याची तक्रार श्रीगोंदे पोलिसांत दिली होती.
या तरुणाचा मृत्यू संशयास्पद असल्याने पोलिसांनी एकाला ताब्यात घेतले आहे. पिसोरेखांड येथील भरत नारायण कराळे हा तरुण खासगी वाहनावर चालक म्हणून काम करत होता.
सामाजिक कामातही तो सहभागी होत असे. काही दिवसांपूर्वी ग्रामसेवक आणि या तरुणात शाब्दिक वाद झाले होते.
गावात पाणी टंचाई असल्याने आमच्या भागात पाण्याचा टँकर द्यावा, अशी मागणी केल्याने ग्रामपंचायत सदस्याने भरतला लाथाबुक्क्यांनी मारहाण केली होती.
याबाबत ६ जूनला संध्याकाळी या तरुणाने फिर्याद दिली होती. त्यानंतर गायब झालेल्या भरतचा मृतदेह शुक्रवारी सकाळी देऊळगाव हद्दीत गळ्याला फास लावलेल्या स्थितीत स्थानिक नागरिकांनी पाहिला.
पोलिसांनी मृतदेह पुण्यातील ससून रुग्णालयात शवविच्छेदनासाठी पाठवला आहे. मृताच्या नातेवाईकांनी आरोपीच्या विरोधात गुन्हा दाखल करण्याची मागणी केली आहे.
- संजय राऊत स्पष्टच बोलले ! लोकशाही प्रक्रियेवरील लोकांचा विश्वास उडाला
- Maruti Suzuki : मारुतीची ‘ही’ कर जीएसटी फ्री! 1.02 लाख रुपयांपर्यंत होणार बचत…
- पोस्ट ऑफिस FD की नॅशनल सेविंग सर्टिफिकेट स्कीम, कोणत्या ठिकाणी गुंतवणूक केली तर मिळणार जोरदार परतावा? वाचा सविस्तर
- वन्य प्राण्याच्या हल्ल्यात ५५ मेंढ्या मृत्युमुखी ! मेंढपाळावर कोसळला दुःखाचा डोंगर
- मुख्यमंत्र्यांचे शिर्डी मतदारसंघात ठाण ! एका आठवड्यात दुसऱ्यांदा शिर्डीत