शिर्डी :- साईमंदिर परिसरात ३१ मे रोजी सहा महिन्यांच्या चिमुकलीस सोडून देणारी माता अखेर सापडली आहे.
प्रेमप्रकरणातून या मुलीस जन्म दिल्याचे पोलिस तपासात उघड झाले आहे. जळगाव जिल्ह्यातील कडुली गावातील ही माता आहे.
३१ मे रोजी सकाळी सहा वाजेच्या सुमारास साईमंदिरालगत असलेल्या गुरुस्थानजवळ सहा महिन्यांची मुलगी रडताना भाविकांना दिसली होती.
सुरक्षा विभागाने या मुलीस संस्थानच्या कार्यालयात आणून वैद्यकीय तपासणी केली. या मुलीस सोडणारी तिची माता पलायन करताना सीसीटीव्ही फुटेजमध्ये कैद झाली हाेती.
संस्थानचे मुख्य कार्यकारी अधिकारी दीपक मुगळीकर यांनी सीसीटीव्ही फुटेज पोलिसांना उपलब्ध करून या महिलेचा शोध घेण्यासाठी मोहीम हाती घेतली होती.
पोलिसांनी या मुलीची अहमनगरच्या बालकल्याण समितीत रवानगी केली होती. सीसीटीव्हीच्या आधारे पाेलिस व साई संस्थान प्रशासन या मातेचा शोध घेत होते.
अखेर दोन दिवसांनी ही महिला पुन्हा साईदरबारी हजर झाली. प्रेमप्रकरणातून या मुलीस जन्म दिल्याची कबुली महिलेने दिली.
पती दारू पिऊन त्रास देत असल्याने मामांकडे राहत होते. तेथे एकाशी प्रेमसंबंध जुळून त्यातून मुलगी जन्माला आली.
मात्र, या मुलीस प्रियकरासह पतीने सांभाळण्यास नकार दिल्याने मुलीस साईदरबारी आणून सोडून दिल्याचे तिने सांगितले.
मायेच्या ओढीने ही माता पुन्हा साईदरबारी आली असावी, असा अंदाज व्यक्त केला जात आहे. या प्रकाराची सखोल चौकशी शिर्डी पोलिस करत आहे.
- युवा शेतकऱ्याने केले जगावेगळे धाडस! तब्बल 380 टँकर विकतचे पाणी घेऊन जगवले टरबूज, वाचा या शेतकऱ्याची धाडसाची कथा
- Ahmednagar News : शहरातील नागरिकांना मिळेना पाणी ! सुटतेय त्यात चार हांडेही भरेनात, सदोष वितरण, खंडित वीजपुरवठ्यामुळे हाल
- Ahmednagar Politics : दाऊदच्या हस्तकांना विमानातून घेऊन आल्याचं जनता विसरलेली नाही ! जहरी टीका करत मंत्री राधाकृष्ण विखेंनी शरद पवारांचं सगळंच काढलं..
- आमदार व खासदारांना किती मिळतो पगार व भत्ते? आमदार व खासदारांच्या कार्यक्षेत्रात किती येतात गावे? वाचा माहिती
- Ahmednagar News : मोदी, योगी यांच्या कणखर भूमिकेमुळेच हिंदू धर्माचे रक्षण, राष्ट्रहितासाठी मतदान करा ! हिंदुत्वादी कीर्तनकार संग्राम भंडारे यांचे नगरमधून मोठे आवाहन..