अहमदनगर :- विधानसभा सार्वत्रिक निवडणुकीसाठी बुधवारी गांधी जयंतीची सार्वजनिक सुटी असल्याने उमेदवारांनी अर्ज भरता आले नाही. मंगळवारी विविध मतदारसंघातून सात उमेदवारांनी त्यांचे नामनिर्देशनपत्र दाखल केले.
श्रीरामपूर मतदारसंघात अशोक निवृत्ती बागुल यांनी भारतीय राष्ट्रीय काँग्रेस आणि अपक्ष असे दोन अर्ज दाखल केले. नेवासा मतदारसंघात सुनिता शंकरराव गडाख यांनी एक अर्ज क्रांतिकारी शेतकरी पार्टी व एक अर्ज अपक्ष असे २ अर्ज दाखल केले.
पारनेर मतदारसंघात भाऊसाहेब माधव खेडेकर यांनी अपक्ष आणि नीलेश ज्ञानदेव लंके यांनी राष्ट्रवादीच्या वतीने अर्ज दाखल केले. श्रीगोंद्यात बबनराव पाचपुते यांनी भाजपच्या वतीने अर्ज दाखल केला.
कर्जत-जामखेड मतदारसंघात रामदास शंकर शिंदे यांनी भाजपच्या वतीने दोन अर्ज दाखल केले. तर सुमित कन्हय्या पाटील यांनी अपक्ष एक अर्ज दाखल केला. अकोल्यात ७ जणांनी १० अर्ज नेले. संगमनेरमध्ये ७ जणांनी १७ अर्ज नेले.
शिर्डीत ७ जणांनी ९ अर्ज, कोपरगावात १३ उमेदवारांनी २२ अर्ज, श्रीरामपूरमध्ये १६ जणांनी २१ नामनिर्देशनपत्रे नेली. नेवाशात ६ व्यक्तींनी ६ अर्ज नेले.
शेवगाव मतदारसंघात ९ जणांनी १९ अर्ज नेले. राहुरीत १० जणांनी १२ अर्ज नेले. पारनेरमध्ये ११ व्यक्तींनी १२ अर्ज नेले. नगर शहरात एकूण १० लोकांनी १५ अर्ज नेले. श्रीगोंद्यात आज १० लोकांनी १६ अर्ज नेले.
- Mp Sujay Vikhe Patil : मोदींना तिसऱ्यांदा पंतप्रधान करण्यासाठी माझा अनुक्रमांक तीन : डॉ. सुजय विखे पाटील
- Ahmednagar Breaking : अहमदनगरमध्ये पुण्यावरून आलेल्या खासगी प्रवासी बसला भीषण आग !
- बीडमध्ये ‘अशी’ आहे जातनिहाय आकडेवारी ! मराठा विरुद्ध ओबीसी वादात पंकजा मुंडे की बजरंग सोनवणे तरणार? जातीय आकडेवारीनुसार..
- Pune Bharti 2024 : ग्रेजुएट उमेदवारांना पुण्यातील आर्मी लॉ कॉलेजमध्ये नोकरीची सुर्वण संधी, फक्त करा हे काम!
- काय सांगता ! किरीट सोमय्यांनी भ्रष्टाचाराचे आरोप केलेल्या राणे, तटकरेंसह ‘या’ ५ जणांना महायुतीकडून खासदारकीची उमेदवारी