लासलगाव : परतीचा पावसाने उघडीप दिल्याने लासलगावसह नाशिक जिल्ह्यातील प्रमुख बाजार समितीत नवीन लाल कांद्याची आवक होत आहे. मात्र, गेल्या काही दिवसांत किरकोळ बाजारात कांद्याचे दर वाढल्याने मागणी घटली.
परिणामी लासलगाव बाजार समितीत सोमवारच्या (दि.४) तुलनेत मंगळवारी आणि बुधवारी टप्प्याटप्प्याने दोन दिवसांत प्रति क्विंटलमागे १ हजार रुपयांची घसरण झाली. त्यामुळे कांद्याचे बाजारभाव ५ हजार रुपयांच्या आत आले. कांदा बाजारभावात अशीच घसरण सुरू राहिल्यास उत्पादकांना नुकसान सहन करावे लागण्याची शक्यता जाणकार व्यक्त करत आहेत.
उन्हाळ कांद्याच्या या हंगामात सोमवारी (दि.४) कांद्याला प्रतिक्विंटल ५७५७ रुपये उच्चांकी दर मिळाला होता. बुधवारी (दि.६) सकाळच्या सत्रात उन्हाळ कांद्याची २५५ वाहनांतून २९३४ क्विंटल आवक झाली होती.
त्याला जास्तीत जास्त ४८००, सरासरी ४४५१, तर कमीत कमी २००० रुपये प्रतिक्विंटल दर मिळाला. परतीच्या पावसाने गेल्या चार दिवसांपासून उघडीप दिल्याने लासलगाव बाजार समितीत लाल कांद्याची १३ वाहनांतून १४६ क्विंटल आवक झाली होती. त्याला जास्तीत जास्त ३६०१, सरासरी ३००० रुपये, तर कमीत कमी ११०० रुपये प्रतिक्विंटल दर मिळाला
- Ahmednagar News : वडिलांनी शेतात पाण्यासाठी टाकी बांधली, त्यात पोहोण्यासाठी गेलेल्या दोन मुलांचा बुडून मृत्यू
- Ahmednagar Politics : नगरमध्ये मंगळवारी मोदी, शनिवारी योगी ! सोमवारपासून महायुती व मविआचे ‘हे’ स्टार प्रचारक उडवणार धुराळा
- Vivekananda Education Society : मुंबई विवेकानंद एज्युकेशन सोसायटीमध्ये 44 जागांसाठी सोडत, पहा कोणत्या जागांसाठी भरती
- Mumbai Bank Bharti 2024 : मुंबईतील जिल्हा मध्यवर्ती सहकारी बँकेत ‘या’ जागांसाठी निघाली भरती, वाचा सविस्तर…
- Post Office Scheme : पोस्ट ऑफिसची ‘ही’ योजना तुम्हाला बनवेल करोडपती, फक्त वाचवा 417 रुपये…