अहमदनगर : नगर शहराचे आमदार असलो, तरी शहराबरोबरच आसपासच्या खेडेगावांच्या विकासासाठी गेल्या साडेचार वर्षांत प्रामाणिक प्रयत्न केले.
नगर शहराला जोडणाऱ्या नगर तालुक्यातील बहुतांश रस्त्यांची कामे आपण शासनाकडून मंजूर करून आणली असून त्यासाठी सुमारे १५ कोटींचा निधी प्राप्त झालेला आहे.
यातील काही रस्त्यांची कामे सुरूही झाली आहेत. आपल्याला विकास कामांचा हिशोब मागणाऱ्यांनी सार्वजनिक बांधकाम विभागाच्या कार्यालयात जाऊन याची माहिती घ्यावी,
असा टोला आमदार संग्राम जगताप यांनी त्यांचे विरोधी उमेदवार तसेच शिवसेनेच्या नेत्यांना लगावला आहे.
नगर तालुक्यातील निंबळक व देहरे जिल्हा परिषद गटातील कार्यकर्त्यांच्या मेळाव्यात ते बोलत होते.
जगताप म्हणाले, नगर शहराच्या विकासाबरोबर उपनगराच्या विकासाला चालना देण्यासाठी शहराला व उपनगराला जोडणाऱ्या रस्त्यांचा विकास होणे गरजेचे आहे.
यासाठी वारंवार शासन दरबारी पाठपुरावा केल्यामुळे शहराच्या विकासासाठी मोठ्या प्रमाणात निधी उपलब्ध झाला आहे.
- संजय राऊत स्पष्टच बोलले ! लोकशाही प्रक्रियेवरील लोकांचा विश्वास उडाला
- Maruti Suzuki : मारुतीची ‘ही’ कर जीएसटी फ्री! 1.02 लाख रुपयांपर्यंत होणार बचत…
- पोस्ट ऑफिस FD की नॅशनल सेविंग सर्टिफिकेट स्कीम, कोणत्या ठिकाणी गुंतवणूक केली तर मिळणार जोरदार परतावा? वाचा सविस्तर
- वन्य प्राण्याच्या हल्ल्यात ५५ मेंढ्या मृत्युमुखी ! मेंढपाळावर कोसळला दुःखाचा डोंगर
- मुख्यमंत्र्यांचे शिर्डी मतदारसंघात ठाण ! एका आठवड्यात दुसऱ्यांदा शिर्डीत