POCO F4 5G : चीनची स्मार्टफोन (Smartphone) निर्माता कंपनी पोको आज २३ जून रोजी भारतात आणखी एक नवीन 5G स्मार्टफोन लॉन्च (Launch) करण्यासाठी सज्ज आहे. Poco आज POCO F4 5G फ्लॅगशिप फोन भारतात आणि जगभरातील बाजारात सादर करणार आहे.
लॉन्च होण्यापूर्वी फ्लिपकार्टच्या वेबसाइटवर (Flipkart’s website) या स्मार्टफोनची यादी करण्यात आली आहे, लिस्टमधून स्मार्टफोनचे काही फीचर्सही (Features) समोर आले आहेत. POCO च्या जागतिक ट्विटर हँडलने पुष्टी केली आहे की ते POCO F4 5G सोबत POCO X4 GT लाँच करणार आहे.
जाणून घ्या फीचर्स
फ्लिपकार्टच्या वेबसाइटनुसार, POCO F4 मध्ये Snapdragon 870 5G चिप प्रोसेसर म्हणून वापरली जाईल. याशिवाय, कंपनीचा हा स्मार्टफोन 12GB पर्यंत LPDDR5 रॅम आणि 256GB UFS 3.1 अंतर्गत स्टोरेजसह येऊ शकतो.
स्मार्टफोनमध्ये फुल एचडी+ रिझोल्यूशनसह 6.67-इंचाचा AMOLED डिस्प्ले अपेक्षित आहे जो 120Hz रिफ्रेश रेटला सपोर्ट करतो. यामध्ये 67W फास्ट चार्जिंग सपोर्टसह पॉवर बॅकअपसाठी 5,000mAh बॅटरी समाविष्ट असू शकते.
हे साइड माउंटेड फिंगरप्रिंट स्कॅनर, इन्फ्रारेड सेन्सर, डॉल्बी अॅटमॉस, ड्युअल स्पीकर आणि चार्जिंगसाठी यूएसबी टाइप सी पोर्टसह सुसज्ज देखील असू शकते.
मागील रिपोर्टनुसार, फोटोग्राफीसाठी स्मार्टफोनमध्ये ६४ मेगापिक्सलचा ट्रिपल कॅमेरा सेटअप दिला जाऊ शकतो, तर सेल्फी आणि व्हिडिओ कॉलिंगसाठी 20-मेगापिक्सलचा फ्रंट कॅमेरा दिला जाऊ शकतो.
नवीनतम अहवालांवर विश्वास ठेवला तर, POCO X4 GT च्या मागील कॅमेरा सेटअपमध्ये 48-मेगापिक्सलचा मुख्य कॅमेरा, 8-मेगापिक्सलचा अल्ट्रावाइड लेन्स आणि 2-मेगापिक्सेलचा मॅक्रो कॅमेरा असेल.
स्मार्टफोनची अपेक्षित किंमत
कंपनीच्या म्हणण्यानुसार ग्राहक हा स्मार्टफोन फ्लिपकार्टच्या वेबसाइटवरून खरेदी करू शकतील. मात्र, या स्मार्टफोनच्या किंमतीबाबत अद्याप माहिती समोर आलेली नाही. पण लीक झालेल्या रिपोर्ट्सनुसार, हा स्मार्टफोन भारतात 25,000 ते 30,000 रुपयांमध्ये उपलब्ध होऊ शकतो.